Өз-өзіңізбен қарым-қатынасты жақсартуға арналған сұрақтар
Егер біз айналамыздағы адамдармен ғана емес, өзімізбен де қарым-қатынасты жақсартуға тырыссақ ше?
Өз-өзімізге адал болу, құрмет көрсету, өзімізді қабылдау және жүрегімізді тыңдау – бұның бәрі маңызды,себебі, біз өзімізбен дос болсақ, басқалармен да қарым-қатынас жасау оңайырақ болады.
Бүгін біз сізге өз-өзіңізбен қарым-қатынасты жақсартуға арналған сұрақтарды дайындадық. Оларды мұқият оқып, жауап беруге тырысыңыз:
- Сіздің жеке шекараңыз қандай сәттерде бұзылады? Осы кезде өзіңізді қалай сезінесіз? Басқа адамдар ыңғайсыз сұрақтар қою арқылы, сіз үшін шешім қабылдау арқылы және басқа да манипуляциялармен сіздің жеке шекараңызды бұзады. Өз-өзімізбен жақсы қарым-қатынас оранту үшін, біз өзіміздің ішкі әлемімізді қорғауымыз керек.
- Дәл қазір көңіл-күйді көтеруге, энергияны қайтаруға не көмектеседі? Бақытты болу туралы шешім – тек сіздің қолыңызда. Өзіңізді қуантуға және өзіңізге қамқорлық жасауға тырысыңыз.
- Қазіргі уақытта мен үшін нені іске асыру қиындықтарды тудыруы мүмкін?Өзімізді жігерлендіре білу, өзімізге күш беру біз үшін өте маңызды. Ал көмек керек болғанда басқалардан көмек сұраңыз.
- Осы сәтте ішкі дауысым не айтып тұр? Ішкі дауысыңызды естудің ең оңай жолы-медитация. Бұл сіздің басыңыздағы шексіз мазасыз ойларды өшіруге көмектеседі, сіз өзіңізді тыныштандыруды, өзіңізді тыңдауды, эмоцияларыңызды қабылдауды және оларды басуды үйренесіз. Сонымен қатар, өзіңізге және басқаларға жанашырлық таныту оңайырақ болады.
“Дегдар” Гуманитарлық Фонды қолдауымен жүзеге асырылады.
